ಮಹಿಳಾ ಯಕ್ಷಗಾನದಲ್ಲಿ ಬೆಂಗಳೂರು ಪ್ರಥಮ
ಲೇಖಕರು : ಸತೀಶ್ ನಾಯಕ್ , ಪಕಳಕು೦ಜ
ಮ೦ಗಳವಾರ, ಜನವರಿ 14 , 2014
|
ಜನವರಿ 14, 2014
|
ಮಹಿಳಾ ಯಕ್ಷಗಾನದಲ್ಲಿ ಬೆಂಗಳೂರು ಪ್ರಥಮ
ಕುಮಟಾ :
ಪಟ್ಟಣದ ಹವ್ಯಕ ಸಭಾಭವನದಲ್ಲಿ ಏರ್ಪಡಿಸಿದ್ದ ರಾಜ್ಯಮಟ್ಟದ ಮಹಿಳಾ ಯಕ್ಷಗಾನ ಸಂಭ್ರಮದ ಪ್ರಥಮ ಬಹುಮಾನವನ್ನು ಚಕ್ರವ್ಯೂಹ ಯಕ್ಷಗಾನ ಪ್ರದರ್ಶಿಸಿದ ಬೆಂಗಳೂರಿನ ಯಕ್ಷಕಲಾ ಅಕಾಡೆಮಿ ತಂಡ ಹಾಗೂ 'ಸುಧನ್ವಾರ್ಜುನ' ಯಕ್ಷಗಾನ ಪ್ರದರ್ಶಿಸಿದ ಬೆಂಗಳೂರಿನ ಸಿರಿಕಲಾಮೇಳ ಹಂಚಿಕೊಂಡಿತು.
ದ್ವಿತೀಯ ಬಹುಮಾನವನ್ನು 'ಮಾಗಧ ವಧೆ' ಪ್ರದರ್ಶಿಸಿದ ಬೆಂಗಳೂರಿನ ಯಕ್ಷಸಿರಿ ತಂಡ ಹಾಗೂ 'ಜ್ವಾಲಾ ಪ್ರತಾಪ' ಯಕ್ಷಗಾನ ಪ್ರದರ್ಶಿಸಿದ ಶಿವಮೊಗ್ಗದ ಶ್ರೀ ಮಾತಾ ಮಹಿಳಾ ಯಕ್ಷ ಕಲಾ ಟ್ರಸ್ಟ್ ಹಂಚಿಕೊಂಡವು.
ತೃತೀಯ ಬಹುಮಾನವನ್ನು 'ಭಿಷೊ¾àತ್ಪತ್ತಿ' ಯಕ್ಷಗಾನ ಪ್ರದರ್ಶಿಸಿದ ಸಾಗರದ ಶ್ರೀ ಮಾಹಾಮ್ಮಾಯಾ ಮಹಿಳಾ ಯಕ್ಷಗಾನ ಮಂಡಳಿ ಟ್ರಸ್ಟ್ ಹಾಗೂ 'ಗಧಾಪರ್ವ' ಯಕ್ಷಗಾನ ಪ್ರದರ್ಶಿಸಿದ ಶಿರಸಿಯ ಭೈರುಂಬೆ, ಗಡಿಹೊಳೆಯ ಶ್ರೀ ವಿದ್ಯಾ ಸಂಸ್ಕೃತಿ ಸಂಘ ಹಂಚಿಕೊಂಡಿತು.
ಯಕ್ಷಗಾನ ಸಂಶೋಧನಾ ಕೇಂದ್ರದ ವತಿಯಿಂದ 'ಸುದರ್ಶನ ಗರ್ವಭಂಗ' ಯಕ್ಷಗಾನ ಪ್ರದರ್ಶಿಸಿದ್ದ ಚಿಕ್ಕಮಗಳೂರಿನ, ಹನುಮಳ್ಳಿಯ ಕುಮಾರ ಸಾಂಸ್ಕೃತಿಕ ಪ್ರತಿಷ್ಠಾನಕ್ಕೆ ವಿಶೇಷ ಬಹುಮಾನ ನೀಡಲಾಯಿತು.
ಪ್ರಶಸ್ತಿ ಪ್ರಧಾನ ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ಡಾ| ಜಿ.ಜಿ. ಸಭಾಹಿತ, ಶಾಸಕಿ ಶಾರದಾ ಮೋಹನ ಶೆಟ್ಟಿ ಬಹುಮಾನ ಹಾಗೂ ಪ್ರಶಸ್ತಿ ವಿತರಿಸಿದರು.
ಸ್ಪರ್ಧೆ ನಿರ್ಣಾಯಕರಾಗಿದ್ದ ಕಲಾವಿದ ಸುಬ್ರಹ್ಮಣ್ಯ ಹೆಗಡೆ ಯಲಗಪ್ಪ, ಮಮತಾ ಜಿ. ಹಾಗೂ ದಿವಾಕರ ಹೆಗಡೆ, ಯಕ್ಷಗಾನ ಸಂಶೋಧನಾ ಕೇಂದ್ರದ ನಿರ್ದೇಶಕ ಡಾ| ಜಿ.ಎಲ್. ಹೆಗಡೆ ವೇದಿಕೆಯಲ್ಲಿದ್ದರು.
ಕೃಪೆ :
http://kannada.yahoo.com
|
|
|